Алдын ала мәлімет бойынша, өрт РВС №2 сыйымдылығы 2000 текше метрлік резервуардың түбіндегі шөгінділерді тазалау жұмыстары кезінде ЦА-320 цементтеу агрегатында тұтанған. Жұмыс жүргізілген сәтте резервуар бос болған, онда мұнай болмаған.
Зардап шеккендер жоқ. Өрт сағат 19:20-да оқшауланып, 20:00-де толық сөндірілді. Қазіргі уақытта нысан штаттық режимде жұмыс істеп тұр. Алдын ала мәлімет бойынша, айтарлықтай материалдық шығын анықталмаған, деп хабарлады облыстық Экология департаменті.
Сурет: Маңғыстау облыстық экология департаменті
Мұнайдың технологиялық жабдықтар мен нысан аумағынан тыс жерге төгілуіне жол берілмеді.
Оқиға туралы Маңғыстау облысының төтенше жағдайлар департаменті мен Мемлекеттік еңбек инспекциясына хабарланған.
Сурет: Маңғыстау облыстық экология департаменті
Өрттің шығу себебі, келтірілген залалдың ықтимал көлемі және оқиғаға құқықтық баға нысанды тексеру мен зерттеу жұмыстары аяқталғаннан кейін анықталады.