Бұл туралы бүгін, 2026 жылғы 21 тамызда, бұл туралы елорда әкімдігінің баспасөз қызметі хабарлады:
"1-31 тамыз аралығында Астананың барлық ауданында мектеп жәрмеңкелері ұйымдастырылды. Онда елорда тұрғындары жаңа оқу жылына қажетті тауарлар мен мектеп керек-жарақтарын қолжетімді бағамен сатып ала алады. Бүгін жәрмеңкелер қаланың әртүрлі аудандарында өтуде".
Айта кетейік, сауда орындарына күн сайын 200-ден 400-ге дейін адам келеді. Олар кеңсе тауарларын, мектеп керек-жарақтарын және оқу жылының басталуына қажетті басқа да өнімдерді сатып алуда.
Мектеп жәрмеңкелері әр демалыс күндері мына орындарда жұмыс істейді:
- "Сарыарқа" ауданы – "Рахмет" ТРЦ, Н. Тілендиев даңғылы, 15;
- "Нұра" ауданы – "Magnum" супермаркеті, Тұран көшесі, 55Д, сондай-ақ "Era bazary", Қорғалжын тасжолы, 96;
- "Алматы" ауданы – "Гүлжан" сауда үйі, Абылай хан даңғылы, 34 және "Астана Молл" ТРЦ, Тәуелсіздік даңғылы, 34;
- "Сарайшық" ауданы – әр сенбі және жексенбі күндері "Жібек жолы" ТРЦ, А. Байтұрсынұлы көшесі, 34 және "Damu Mall" ТРЦ, Жұмекен Нәжімеденов көшесі,26;
- "Байқоңыр" ауданы – "Аймақ-Тау" сауда үйі, С. Сейфуллин көшесі, 45/1.
"Мейірімді алақан" қайырымдылық акциясы
Мектеп жәрмеңкелерімен қатар елордада аз қамтылған отбасылардан шыққан балаларды қолдауға бағытталған "Мейірімді алақан" қайырымдылық акциясы да өтіп жатыр.
Ірі сауда орталықтарында арнайы контейнерлер қойылған. Тұрғындар ол жерге мектепке қажетті кеңсе тауарлары мен басқа да оқу құралдарын қалдырып, көмекке мұқтаж отбасыларға қолдау көрсете алады.
Көмек жинауға арналған контейнерлер мына мекенжайларда орналасқан:
- "Нұра" ауданы – "Сарыарқа" ТРЦ, Тұран даңғылы, 24;
- "Байқоңыр" ауданы – "Аймақ-Тау" сауда үйі, С. Сейфуллин көшесі, 45/1;
- "Сарайшық" ауданы – "Damu Mall" ТРЦ, Жұмекен Нәжімеденов көшесі, 26;
- "Алматы" ауданы – "Аружан" ТРЦ, І. Жансүгіров көшесі, 8/1.
Әкімдік өкілдерінің айтуынша, мектеп жәрмеңкелері тұрғындарға жаңа оқу жылына қажетті тауарларды қолжетімді бағамен сатып алуға мүмкіндік береді. Ал "Мейірімді алақан" акциясы көмекке мұқтаж отбасыларға қолдау көрсетуге ниетті кез келген адамға өз үлесін қосуға мүмкіндік береді.
Бұған дейін Қазақстанда мектеп формасына қойылатын талаптар анықталғаны хабарланған.