Экология және табиғи ресурстар министрлігінің мәліметінше, өрт ошақтары Қарағанды облысы мен Сайрам-Өгем ұлттық паркінде болған.
"Өрт ошақтары мемлекеттік орман күзетінің жерүсті патрульдеу жұмыстары барысында анықталды. Өртті сөндіруге мемлекеттік орман күзетінің қызметкерлері, Төтенше жағдайлар министрлігінің мамандары және арнайы техника жұмылдырылды", – делінген ведомство хабарламасында.
Министрліктің мәліметінше, өрттің шығуына дала өртінің мемлекеттік орман қоры аумағына таралуы себеп болған.
Ведомство қазіргі уақытта барлық өрт ошақтарының толық сөндірілгенін хабарлады.