Төтенше жағдайлар министрлігінің мәліметінше, оқиға Түркістан облысы Арыс ауданындағы Көксарай су қоймасының жағасында болған. Жеңіл автокөлік лайға батып, әрі қарай қозғала алмай қалған. Сол кезде көліктің ішінде үш адам болған.
Құтқарушылар автокөлікті лайдан шығарып, жүргізушіге жолын жалғастыруға көмектесті.
Оқиға салдарынан ешкім зардап шеккен жоқ.
Ал Көкшетауда жол қозғалысы ережелерін өрескел бұзған 21 жастағы жергілікті тұрғынның көлік басқарғаны анықталды. Жас жігіт мас күйде рөлге отырған әрі ешқашан жүргізуші куәлігін алмаған. Ол тіпті көлік жүргізуді де үйренбеген.