Апат салдары түсірілген видео әлеуметтік желілерде жарияланды. Кадрлардан жеңіл көліктің қатты соқтығысып, жүк көлігінің астында жаншылғанын көруге болады.
Апаттың мән-жайын Шығыс Қазақстан облыстық полиция департаменті хабарлады.
Ведомство мәліметінше, жол апаты 2026 жылғы 6 қарашада Самар тасжолында болған. Cherry Tiggo 2 Pro, Toyota Carina E және КАМАЗ көліктері соқтығысқан.
"Жол апаты салдарынан Toyota көлігінің жүргізушісі медициналық мекемеге жеткізілді. Осы факті бойынша қылмыстық іс қозғалды. Оқиғаның мән-жайы анықталып жатыр", – деп хабарлады ШҚО полиция депаратменті.