Қазақстан мен Тәжікстан президенттері Астана қаласындағы Анатолий Храпатый көшесінде орналасқан Тәжікстан елшілігі жаңа ғимаратының салтанатты ашылу рәсіміне қатысты.
Сурет: akorda.kz
Қасым-Жомарт Тоқаев пен Эмомали Рахмон рәсімдік лентаны қиды.
Содан соң Президент оркестрі екі елдің мемлекеттік әнұрандарын орындады.
Мемлекеттер басшыларына Тәжікстан елшілігінің ғимараты туралы ақпарат беретін бейнеролик көрсетілді. Содан кейін олар дипломатиялық өкілдікті аралап көрді.
Сурет: akorda.kz
Екі елдің көшбасшылары елшілік аумағына ағаш көшетін екті.