Шымкентте "Shymkent AI Forum – 2026" өңірлік форумы өтіп жатыр⁣⁣⠀

Сурет: Шымкент қалалық әкімдігі
Цифрландыру және ақпараттық технологиялар қызметкерлері күніне орай "Көрме" орталығында "Shymkent AI Forum – 2026" өңірлік форумы басталды.⁣⁣⠀

⁣Ауқымды жиынның негізгі мақсаты — өңірде жасанды интеллект пен цифрлық технологияларды ілгерілету, тың жобаларды көпшілікке таныстыру, IT-компаниялар мен стартаптар арасындағы әріптестікті арттыру және технологиялық кәсіпкерлікке серпін беру.⁣⁣⠀

⁣⁣Форумға мемлекеттік органдардың өкілдері, IT саласының мамандары, кәсіпкерлер, стартап өкілдері, сала сарапшылары, жоғары оқу орындарының оқытушылары мен студенттері — барлығы 500-ге жуық адам жиналды.⁣⁣⠀

Сурет: Шымкент қалалық әкімдігі

⁣⁣Бағдарлама аясында цифрландыру мен жасанды интеллекттің өзекті мәселелерін қамтитын төрт панельдік отырыс өтеді. Қатысушылар "Цифрлық Шымкент: сын-қатерлер және алдағы міндеттер", "AI дәуіріндегі стартаптар", "Why MedTech?" және "AI & ML. Ертең не істейміз?" тақырыптарын талқылайды. Талқылауларға 14 баяндамашы мен 4 модератор қатысады.⁣⁣⠀

⁣⁣Көрме аймағында технологиялық жобалар кеңінен таныстырылды. Startup Alley алаңында стартаптар өз әзірлемелерін ұсынса, өзге компаниялар технологиялық шешімдерін жеке стендтерде көрсетіп отыр.⁣⁣⠀

Сурет: Шымкент қалалық әкімдігі

⁣⁣Сонымен қатар қатысушылар үшін медициналық технологиялар саласындағы жаңашыл жобаларды ұсынған 10 команда сынға түсетін "MedTech Startup Battle" байқауы ұйымдастырылды. Байқаудың жүлде қоры — 1 миллион теңге.⁣⁣⠀

Сурет: Шымкент қалалық әкімдігі

⁣⁣Форум аясында робототехникаға арналған Robo Zone мен Game Zone интерактивті алаңдары да жұмыс істейді. Мұнда келушілер заманауи технологиялармен және жаңа цифрлық шешімдермен тәжірибе жүзінде таныса алады.⁣⁣⠀

Сурет: Шымкент қалалық әкімдігі

⁣⁣"Shymkent AI Forum – 2026" — мемлекеттік секторды, IT-бизнесті, жоғары оқу орындарын және стартап-қауымдастықты тоғыстырған маңызды технологиялық алаң. Форум қорытындысы өңірдің цифрлық және инновациялық әлеуетін арттыруға, технологиялық жобаларды дамытуға және сала өкілдері арасындағы әріптестікті кеңейтуге жаңа мүмкіндіктер ашады деп күтілуде.

Қазақстан
Шымкент

Оқи отырыңыз

Жаңалықтан zakon.kz сайтында хабардар болыңыз:

Танымал жаңалықтар

Тоқаев мәслихат сайлауына қатысты тапсырма берді

Сабақтан қалу ерекше бақылауға алынады: Қазақстанда 21 қарашадан бастап жаңа ережелер енгізіледі

Атырау тұрғыны смарт-сағат үшін жанжал шығарып, үш жылға сотталды

Студент қыз сегізінші қабаттан құлап, аман қалды

Ренат Айтаев президент Әкімшілігінің мемлекеттік бақылау бөлімінің меңгерушісі болып тағайындалды