Ержан Максимнің анасы Гүлмира Әлібек Ресей астанасына көшіп, онда 5 жыл тұратындарын айтты, деп хабарлайды Zakon.kz "Мой город" порталына сілтеме жасап.
"Ержан Игорь Крутойдың музыкалық академиясында оқитын болады. Сол үшін баспана жалдап, Мәскеуде тұрмақпыз. . Қазір ұлым Евровидениеге дайындалып жатыр", – деді әншінің анасы.
Айта кетсек, оралдық жас әнші Ержан Максим Мәскеуде өткен «Голос. Дети» байқауында жеңіске жетіп, көпшілікке аты мәлім болды. Талантты өрен тіпті, елордада жеке концертін беріп үлгерді.