Мюзикола дуэтімен танымал әнші Карина Абдуллина жеке өмірін ұзақ жылдар бойы жасырып келген. Енді міне, алып-қашпа әңгімелер мен түрлі жорамалдарды жоққа шығарып, өзінің отбасылық жағдайымен бөлісуді ұйғарды, деп хабарлайды Zakon.kz.
Карина ұзақ жылдар бойы марқұм гитарашы Болат Сыздықовпен дуэт құрған. Қазақстанда соңғы 30 жыл бойы тұрып келген адамның Мюзиколаның шығармашылығын естімеуі мүмкін емес. Шын мәнінде Карина мен Болат тек шығармашылық дуэт құрған, ал әншінің өмірлік серігі туралы ешкім ештеңе білмей келген.
- Мен заңды некедемін. Күйеуім керемет адам, мамандығы дәрігер. Альберт есімді ұлымыз бар. Біз интернационалды отбасымыз – жұбайымның арғы аталарында иран және испан қаны бар, менде татар мен орыстың қаны. Бірақ біз нағыз қазақстандық отбасымыз, бір-бірімізді, Отанымызды жақсы көреміз! Барлығыңызға қуаныш пен жан тыныштығын тілейміз, - деп жазды Карина Абдуллина өз Instagram-ында.