10 желтоқсанда Димаш Құдайберген АҚШ-та жеке концертімен өнер көрсетті. Жерлесінің концертіне Нью-Йорктің ең үздік полицейі атанған Димаш Ниязов та келіп, оған қоса бауырын бауырына басып суретке түсіп те алыпты, деп хабарлайды zakon.kz.
"@ kudaibergenov.dimash бауырым, АҚШ-тағы алғашқы концертіңмен құттықтаймын! Жарайсың!" - деп Инстаграмдағы парақшасына жазған Димаш Ниязов екеуінің бірге түскен суреті мен видеосын да жүктеп қойыпты.
Видеода сахна сыртындағы бөлмесіне кіріп келген таныс жүзді көргенде Димаш Құдайберген орнынан ұшып тұрып: "Еууу, братан" деп оны бас салды. Димаш Ниязов да көптен көрмеген бауырын бауырына басып, мәз-мәйрам.