Ресейлік Муз-ТВ арнасының бас директоры Арман Давлетяров Қасым-Жомарт Тоқаевтың марапатына ие болды, деп хабарлайды zakon.kz.
Осыдан бір күн бұрын, 13 тамызда Ресейдегі Қазақстан елшісі Ермек Көшербаев танымал музыкалық продюсер Арман Давлетяровпен кездесті.
Дипломатиялық миссияның басшысы ресейлік "МУЗ-ТВ" телеарнасының бас директорын 50 жылдық мерейтойымен құттықтап, Президент Қасым-Жомарт Тоқаевтың тағайындаған "Құрмет" грамотасын табыс етті.
Сыйлық Қазақстан мен Ресей арасындағы мәдени-гуманитарлық ынтымақтастықты дамыту мен нығайтуға қосқан үлесі үшін берілді.
Арман Давлетяров құрметті марапат үшін Мемлекет басшысына алғыс білдіріп, Қазақстан халқына мықты денсаулық пен бақ-береке тіледі.
