Ресей президенті Владимир Путин Муз-ТВ-ның бас директоры Арман Дәулетияровты "Достық" орденімен марапаттады, деп хабарлайды zakon.kz "Российская газетаға" сілтеме жасап.
Дәулетияровқа "Достық" ордені "Бұқаралық ақпарат құралдарын дамытуға қосқан зор үлесі, көп жылғы жемісті жұмысы үшін" берілді, делінеді хабарламада.
Арман Давлетьяров 1970 жылы Орынбор облысында Тамар-Өткел ауылында дүниеге келген. Ол этникалық қазақ. Осы жылдар ішінде Дәулетияров Мұрат Насыровпен, Батырхан Шүкеновпен, "Динамит", "A’Studio" тобымен жұмыс істеді.
2013 жылдан бастап осы уақытқа дейін Арман Дәулетияров ресейлік Муз-ТВ арнасының бас директоры болды. Сонымен қатар ол жыл сайынғы танымал музыка саласындағы Муз-ТВ сыйлығының директоры.
Дәулетияровтың "Құрмет" ордені және Қазақстан Республикасының еңбек сіңірген қайраткері атағы бар.
