Айта кетсек, Гагарин саябағын қайта құру жобасы облыс әкімі Әбілқайыр Сқақовтың тапсырмасы бойынша жүзеге асырылуда.
Мүсінші Марат Әбілқасымов бұл мүсінді жасау үшін бір ай уақыт кеткенін, инсталляция толығымен металдан, тұғыры тастан, қанаты түрлі түсті органикалық шыныдан жасалғанын айтады, деп хабарлайды Pavlodarnews.kz.
Қалың қауымды "бұл арада неге инелікке таңдау түскен" деген заңды сауал мазалайды.
Әдетте инеліктер пайда болған кезде адамдар қуана бастайды. Себебі, жәндіктердің бұл түрі шыбын-шіркейлерді жояды. Инелік – қансорғыштармен күресудің символы, - дейді Марат Әбілқасымов.
Мүсіншінің айтуынша, ол бұл мүсінді серіктесі Виктор Тотариновичпен бірге дайындаған.
