Stranger туры аясында концерттер 29 сәуірде Ереванда Карен Демирчян атындағы спорт-концерт кешенінің аумағында және 6 мамырда Антальяда Akdeniz University Stadium стадионында өтеді.
Dimashnews.com cайтының хабарлауынша, кастингте бағыңызды сынап көру үшін қарапайым екі шартты орындау қажет:
- Димаштың кез-келген әнін таңдап, би нұсқасын жазыңыз (уақыты 60 секундқа дейін).
- Instagram, TikTok, Facebook немесе басқа қол жетімді әлеуметтік желілердің біріне өз видеоңызды Weibo #TourStranger_Сasting хэштегімен жариялаңыз. Сипаттамаға мына мәтінді жазу керек: "Мен бишілердің кастингінен өтіп, Димаш Құдайбергеннің Stranger шоуымен әлемдік турына қатысқым келеді".
Постты 10 наурызға дейін өшіруге болмайды.
Барлық видеоны артистің командасы қарайды. Іріктеудің бірінші кезеңінен өткен бишілерге әлеуметтік желі арқылы хабарлама жіберіледі және офлайн режимінде өтетін кастингтің соңғы кезеңіне шақырылады.