Роман желісі Дублинде өтеді, онда "жаңа әлем" мен қалыптасқан демократиялық нормаларды бұза-жара келе жатқан фашизм алдында отбасын сақтап қалуға тырысқан зерттеуші және төрт баланың анасы Айлиш Стактің өмірі баяндалады, деп жазды BBC.
Пол Линч 1977 жылы Ирландияның оңтүстік-батысындағы Лимерик қаласында дүниеге келген. Ол қазір Дублинде тұрады.
Линч жазушылық мансабын 2013 жылы бастаған, оған дейін Sunday Tribune және Sunday Times газеттерінің киносыншысы болған.
Линчтің алғашқы романы Red Sky in Morning деп аталады.
Биылғы Букер сыйлығын ұтып алған "Пайғамбар әні" жазушының бесінші романы. Жазушының сөзінше, романды ұлы дүниеге келмей тұрып бастап, велосипед тебуді үйренген кезде тәмамдаған. Линчтің өзі мойындағандай, кітап оңай жазыла қоймаған.
