Актриса сезімдері жайлы әлеуметтік желідегі парақшасында жазды. Ол екінші мәрте ана болуды бұрынғыдан өзгеше, сабырлы әрі саналы түрде қабылдағанын жеткізді.
"Араға 13 жыл салып, 35 жасымда ана атандым. Қазір ешқайда асықпаймын, өмірдің бір парасын жоғалту жайлы қорқыныш та жоқ",- деп жазды ол.
Сурет: Instagram/almiratursyn
Альмира қазір бала тәрбиесіне деген уақытты ерекше бағалайтынын, балалардың қаншалықты тез өсетінін білетінін айтты:
"Енді білемін: уақыт өте тез өтеді, іштің кебуі, шаншу, ұйқысыз түндер бәрі өтеді... Бұл кішкентай тәтті қол мен аяқтар да өсіп, өз жолымен жүреді", – деді ол.
Сонымен қатар, актриса әрбір сәттен ләззат алып, ана болу кезеңін бұрынғыдан сабырлы әрі саналы қабылдайтынын айтты.