16 қарашада төрт науқас жедел жәрдем көлігімен №1 көпсалалы қалалық ауруханаға жеткізілді.
Өрт сөндіруші 1994 жылы туған Асқар Забикулин қазір жансақтау бөлімінде жатыр, жағдайы өте ауыр. Ол 3-дәрежелі күйік алған.
№10 өрт сөндіру бөлімінің командирі, 1988 жылы туған Аян Кемпіровтің жағдайы орташа ауыр.
"Екі науқас токсикология бөлімінде ем қабылдап жатыр. Екеуінің де жағдайы орташа ауыр. Жағдайлары жақсарды", - деді Астана қалалық қоғамдық денсаулық сақтау басқармасының өкілі.
16 қарашада "Қаһарман" тұрғын үй кешенінде 11-қабаттағы пәтер өртенді. Өртенген пәтерде адамдар болған. Өрт сөндірушілер бес адамды, оның ішінде бір баланы құтқарып, он адамды қауіпсіз жерге көшірді.
