17 мамыр күні жоғалып кеткен Көмеков Арсеннің өлі денесі кір су төгетін шұңқырдан табылды, деп хабарлайды Zakon.kz.
Алматы қаласының ІІД-нің баспасөз қызметінің хабарлауынша, баланың денесі сол ауданда, өзінің үйінің маңында, тереңдігі 1,5-2 метрді құрайтын шұңқырдан табылды.
Денесінде зорлық-зомбылық белгілері жоқ, өлімнің нақты себебін сот-медициналық сараптама анықтайды.
Көмеков Арсен, 2014 жылы туған, 17 мамыр күні Алматы қаласы, Алатау ауданы, Шаңырақ ықшам ауданында жоғалып кеткен болатын. Түстен кейін есігінін алдында үлкендердің қарауынсыз ойнап жүрген бала, белгісіз бағытта кетіп қалған. Баланың жоғалып кеткенін анасы, Жанар Көмекова кешке жұмыстан келген бойда анықтайды. Бір әйел сол күні кешкі сағат 20:00 шамасында дүкеннің алдында жылап тұрған баланы көргенін айтады, бірақ оған аса мән бермеген.