Алматы қаласындағы Сейфуллин даңғылы мен Майбороды көшесінің қиылысында жол талғамайтын көлік аударылып қалды деп жазады Zakon.kz.
Куәгерлердің айтуынша, Сейфуллин даңғылымен оңтүстік бағытта келе жатқан Mitsubishi Pajero көлігі, солға бұрылмақ болған. Алайда жылжып келе жатқан Lada Priora автокөлігіне жол бермей қойады. Нәтижесінде жеңіл автокөлік Джиптің бүйірінен соғып, ол аударылып қалады.
Оқиға орнына жедел жәрдем қызметкерлері келіп, екі көліктің жүргізушілерін ауруханаға алып кетті.
Полиция қызметкерлері жол апатының барлық жайттарын тексеріп жатыр.
