Ақтөбе облысы Алға ауданы Тікқайың ауылында мойнында қол іздері бар еркектің өлі денесі табылды, деп хабарлайды облыстық полиция департаментінің баспасөз қызметіне сілтеме жасап Zakon.kz.
- 27 шілдеде Тікқайың тұрғынының мүрдесі табылды. Сот-медициналық сараптама қорытындысы бойынша, ер адамның "механикалық асфиксия" салдарынан, яғни қылқындырып өлтірілгені нақтыланды. Учаскелік инспектор марқұмның баласын күдікті ретінде қамауға алды. Ол тергеу кезінде әкесі екеуі ұрсысып қалып, оны арқанмен қылқындырғанын мойындаған, - делінеді хабарламада.
ҚР Қылмыстық Кодексінің 99-бабына, яғни "Кісі өлтіру" бабы бойынша сотқа дейінгі тергеу шаралары қолға алынды. Күдікті қамауға алынды.