Медеу ауданында орналасқан элиталы екі пәтерде порнографиялық материалдар даярланып, сол арадан таратылған, деп хабарлайды Zakon.kz Алматы қалалық полиция департаментінің баспасөз қызметіне сілтеме жасап.
Қылмыс орнынан виртуальды түрде интим қызметін ұсынған қыздар, сонымен бірге Қырғыз елінен келген компьютер маманы ұсталды. Сондай-ақ пәтерді тінту кезінде процессор мен жыныс "ойынына" арналған құралдар тәркіленді.
"Студиядағы жұмыс" бір ізге қойылған, техникалық қамсыздандырудан бастап қыздардың жұмыс кестесіне дейін. Олар 3 ауысымда жұмыс істеген. Бұл жезөкшелер ордасының басқасынан айырмалышығы мұндағы қызмет түрі виртуальды сипатқа ие. Веб-таспа алдында жалаңаштанған қыздар АҚШ және Еуропаның сайттарына тікелей шығып, ақшаға тәнін саудалаған. Тұтынушылар да көбіне шетелдіктер болған, олар ақшаны арнайы төлем картасына лақтырып отырған. "Веб-модельдерді" іріктеуге арнайы байқау да жарияланған. Әрине, оларға жоғары жалақы уәде етілген. Бірақ, шынтуайтында, бұл арадағы қыздар уәде еткен мыңдаған долларды ешқашан көрмегендерін айтты", - дейді қалалық полиция департаменті бастығының орынбасары, полиция полковнигі Данияр Меңдебаев.
Аталған факті бойынша Алматы қалалық полиция басқармасы ҚР Қылмыстық кодексінің 311-бабы, яғни "Порнографиялық материалдар мен заттарды заңсыз тарату" бойынша сотқа дейінгі тергеу ісі қолға алынды. Барлық ұсталған адамдардан жауап алынып, оларға заңнамаға сәйкес шаралар қолданылады.
