Сәтбаев қаласында екі адамды өлтіру бойынша қозғалған қылмыстық істің беті ашылды, деп хабарлайды zakon.kz.
16 ақпанда Сәтпаев қаласының полиция бөліміне қаладағы пәтерлердің бірінен қинап өлтірілген екі адамның мәйіті табылғаны туралы хабарлама келіп түсті. Полиция қызметкерлері марқұмдардың кім екенін анықтады. Аталған қылмысты жасау бойынша жедел-іздестіру шаралары барысында 34 жастағы қала тұрғыны анықталып, ұсталды. Ол тергеу барысында өз кінәсін мойындады, деп хабарлады Қарағанды облысы ДД баспасөз қызметі.
Аталған факті бойынша ҚР Қылмыстық кодексінің 99-бабы, 2-бөлігі бойынша сотқа дейінгі тергеу басталды.
Қазіргі уақытта ұсталған адам уақытша ұстау изоляторына қамалды.