Алматы әкімдігі WhatsApp арқылы тарап жатқан коронавирус инфекциясы туралы ақпаратты жоққа шығарды, деп хабарлайды zakon.kz.
Тарап жатқан хабарламада, Бағанашыл, Алтай-1 мөлтекаудандарында, Гоголь-Сейфуллин, Гоголь-Қонаев көшелерінің қилысында, "Сұңқар" тұрғын үй кешенінде коронавирус індет ошақтары бар екендігі айтылған.
Бұл жалған. Мен оны жоққа шығарамын, - деді Алматы қаласы әкімінің баспасөз хатшысы Әсет Мұқажанов.
Zakon.kz тілшісі тізімде көрсетілген мекенжайлардың бірі - Медеу ауданындағы тұрғын үйге барып-қайтты. Бұл аумақта элиталық тұрғын үй орналасқан, ол қоршауға алынбаған, басқа да бір төтенше іс-әрекеттер байқалмайды.
Қазіргі уақытта Алматыда - 19, Нұр-Сұлтанда - 25, республика бойынша коронавирустық инфекцияның 44 жағдайы тіркелген.