Ақтөбе қаласының тұрғыны "бала асырап алуға көмектесемін" деген желеумен бір ерлі-зайыптыдан 780 мың теңгесін алдап алған, деп хабарлайды Мой город порталы БҚО полиция департаментінің баспасөз қызметіне сілтеме жасап.
Алаяқ ерлі-зайыптылардың сеніміне кіріп, жақын арада оның құрбысы босатынын, бірақ баласынан бас тартатынын айтқан. Сол баланы асырап алуға көмектесу үшін олардан әйел ақшалай сыйақы сұраған. Тіпті, ол баланы асырап алуда құжатты тіркеу жағына да көмектесуге уәде берген.
Алданған отбасы полицияға арызданды.
Қазіргі уақытта алаяқ өз қылмысын мойындады және кепіл хатпен ол босатылды. Тергеу амалдары жүргізілуде.