"Бағаны негізсіз көтерді" деген шағымдарға байланысты "Алматы жылу желілері" ЖШС-ға қатысты жоспардан тыс тексеру басталды, деп хабарлайды zakon.kz.
Азаматтардың жылу энергиясы тасымалы бойынша негізсіз және асыра бағаланған тарифке қатысты шағымдары негізінде Қазақстан Республикасы Ұлттық экономика министрлігі Табиғи монополияларды реттеу комитетінің Алматы қаласы бойынша департаменті "Алматы жылу желілері" мекемесіне тексеру жүргізу туралы шешім қабылдады, - деп хабарланады ҚР ҰЭМ ТМРК ресми сайтында.
Аудит шеңберінде жылу энергиясы тасымалы үшін табиғи монополия субъектісі белгілеген төлемдердің орындылығына мұқият талдау жасалады.