Алматы полициясы ВАЗ-2114 автокөлігінің жүргізушісі қаза тапқан жол апаты бойынша сотқа дейінгі тергеу бастады, деп хабарлайды zakon.kz sputnik.kz-ке сілтеме жасап.
Алдын ала дерек бойынша, ВАЗ жүргізушісі қарсы бағыттағы жолаққа шығып кетіп, КамАЗ-бен бетпе-бет соғысқан.
Оқиға Алматының Наурызбай ауданында Карьерная көшесінде болған.
Жеңіл көліктің 30 жастағы жүргізушісі жедел жәрдем келмей жатып оқиға орнында көз жұмды. Оның жанында отырған жолаушы түрлі жарақатпен ауруханаға жеткізілді.