ШҚО бойынша ҚАЖ департаментінің ОВ 156/20 мекемесінің қызметкерлері ерекше тәртіптегі колонияға есірткі жеткізу әрекетінің жолын кесті, деп хабарлайды zakon.kz.
Іргелес аумақты патрульдеу кезінде мекеме қызметкерлер таңғы 5-тер шамасында скотчпен оралған 2 түйіншекті тәркіледі, оны белгісіз адам негізгі қоршау арқылы колониядағы сотталғандарға лақтыруға тырысқан.
Лақтырмақ болған адам өз жоспарын жүзеге асыра алмады, ол патрульді көріп, 2 дана түйіншектелген орамды сотталғандарға лақтырып үлгермеді. Қызметкерлермен Өскемен қ. ПБ полиция бөлімінің жедел-тергеу тобы шақырылып, түйіншектелген заттың ішінен екі ұялы телефон, 135 дана трамадол және 6 (алты) 0,5 мг сыйымдылықтағы, белгісіз зат табылды, - деді әділет майоры Жасұлан Баденов