Павлодардағы зауыттардың бірінді оқыс оқиға тіркелді. Жұмысшы үстіне металдың балқытылған қорытпасы төгілген, деп хабарлайды zakon.kz.
Астана ТВ мәліметінше, абайсызда темір балқыған қазандықтың шөміші ашылып кетіп, жұмысшының үстіне қайнаған қорытпа төгілген. Дереу ауруханаға жеткізілгенмен, дәрігерлер зардап шегушінің өмірін сақтап қала алмады. 32 жастағы металл кесуші марқұмның денесінің 90 пайызы күйіп қалған.
Ербол САЙФУРОВ, ПАВЛОДАР ОБЛЫСЫ БОЙЫНША ЕҢБЕК ИНСПЕКТОРЫ:
8 маусымда сағат 23-те 1989 жылы туған "Кастинг" жауапкершілігі шектеулі серіктестігінің жұмыскерінің өлімімен аяқталған жазатайым оқиға орын алды. Қазіргі уақытта осы фактіге қатысты тергеу жұмыстары ұйымдастырылуда.
