Facebook қолданушылары Сыбайлас жемқорлыққа қарсы қызмет басшысы Марат Ахметжановтың 9 миллион теңгеге дейінгі параны қылмыс деп танымауды ұсынғаны туралы "жаңалықты" қызу талқылап жатыр, деп хабарлайды zakon.kz.
9 млн теңгеге дейінгі ақшаны сыйлық деп санау керек көрінеді. Алайда stopfake.kz мұның фейк мәлімет екенін хабарлайды.
Дереккөз – @kazinform24 сатиралық аккаунты. Бұл парақшада шынайы жаңалықтар жарияланбайды. Бұл туралы парақша профилінде көрсетілген: "Сатиралық контент. Фейк жаңалықтар", – делінген сипаттамада. Демек, Марат Ахметжановтың ұсынысы туралы ақпарат шынайы емес. Сыбайлас жемқорлыққа қарсы іс-қимыл агенттігінің ресми сайтында мұндай жоспарлар туралы хабарламалар жоқ.