Шығыс Қазақстан облысының Көкпекті ауданында екі жасөспірім ерекше режимдегі арнайы мектептен қашып кетті, деп хабарлайды zakon.kz.
Олар бұрын ұрлық, алаяқтық үшін сотталған.
30 маусымда кезекші түнгі тексеру кезінде екі жасөспірімді орнынан таппай қалды.
Арнайы мектептің бейнекамерасына қашу сәті түсіп қалған, олар екінші қабаттан жайманы пайдаланып, төмен түсіп, үш метрлік темір қоршауға шығып, мекеме аумағынан шығып кеткен. Облыстық полицияның жеке құрамы кәмелетке толмағандарды іздеуге жұмылдырылды, арнайы бекеттер орналастырылды, - делінген хабарламада.
Кейінірек қашып кеткендер УАЗ көлігін ұрлап, мініп кеткендері анықталды. Ол оны жақын елді-мекенге барып, 70 000 теңгеге сатып жіберген.
Осыдан кейін олар Өскеменге таксимен жетіп, ол жерден Алматыға қарай жолай тоқтатқан автокөлікке мініп кеткен. Өскемен - Алматы тас жолында 140-150 шақырымда қашқын жасөспірімдерді полиция қызметкерлері ұстады, деп атап өтті департаменттегілер.
Жасөспірімдер арнайы мектепке кері қайтарылды, ондағыларға бақылауды күшейту тұрғысынан ҚР Қылмыстық іс жүргізу кодексінің 200-бабына сәйкес нұсқау жіберілді.
Аталған фактіге сәйкес, ҚР Қылмыстық кодексінің 200-бабы, 1-бөлігі (Автокөлікті немесе басқа көлік құралын ұрлық мақсатынсыз заңсыз басып алу) бойынша сотқа дейінгі тергеу басталды.
