Қызылорда облысында камерадағы тексерулерге наразылық білдірген үш сотталушы өзіне дене жарақатын келтірді, деп хабарлайды zakon.kz.
Polisia.kz хабарлағандай, тергеу-жедел тобы, қоғамдық бақылау комиссиясының өкілдері, сондай-ақ облыстық ҚАЖД басшылығы оқиға орнына келді.
Сотталғандар өздері отыратын камераларда тінту жүргізуге, сондай -ақ тыйым салынған заттарды қолданғаны үшін тәртіптік жаза қолдануға келіспейтіндіктерін айтты.
Сотталғандар жасаған тәртіптік бұзушылықтар видеоға тіркеліп, жаза қолдану туралы материалдарға қосылды. Медициналық көмек көрсету үшін сотталғандар облыстық медициналық орталыққа жеткізілді.
Бұл факт ақпарат есеп кітапшасына тіркелді. Қызметтік тексеру жоспарланды. Барлық тексерулердің нәтижелері бойынша қолданыстағы заңнама аясында тиісті шаралар қабылданады.
Дәрігерлердің қорытындысына сәйкес, сотталғандарды одан әрі ауруханаға жатқызу қажеттілігі жоқ.