Аягөзде Арнайы әлеуметтік қызметтер көрсету жөніндегі балалар орталығының қызметкері сексуалдық сипаттағы оқыс жағдайдың алдын алды, деп хабарлайды zakon.kz.
Аягөздегі Арнайы әлеуметтік қызметтер көрсету жөніндегі балалар орталығының қызметкері 9 тамызда ішкі тексеріс кезінде ұлдардың жатын бөлмелеріндегі бейнебақылау таспасын қарап отырып, мекеме тәрбиеленушілерінің жыныстық қатынасқа түсу әрекетінің алдын алды, делінген әлеуметтік қорғау басқармасының хабарламасында.
Қазіргі уақытта балаларға медициналық тексеру ұйымдастырылып, психологтар қызметі ұсынылды.
Облыс әкімінің тапсырмасы бойынша ведомствоаралық комиссия құрылды. Тиісті арыз мен материалдар процессуалдық шараларды қолдану үшін құқық қорғау органдарына берілді.