Жол-көлік оқиғасы салдарынан Toyota автокөлігі Павлодардағы дүкеннің кіреберіс есігінің алдындағы баспалдақтың үстіне шығып кетті, деп хабарлайды zakon.kz.
14 қазанда Қатаев көшесінде белгісіз жүргізуші Mercedes-Benz автокөлігімен тұрақта тұрған Toyota автокөлігін соқты. Соққы салдарынан Toyota дүкеннің кіреберіс есігінің алдындағы баспалдақ үстіне шығып кетті.
Қазіргі уақытта полиция қызметкерлері Mercedes жүргізушісінің жеке басын анықтау және ұстау бойынша жұмыс жүргізуде.
Аталған факті бойынша ҚР ӘҚБК 610-бабы бойынша әкімшілік іс қозғалды.
Жүргізуші ұсталғаннан кейін оған қолданыстағы заңнама шеңберінде шара қолданылады, - деп хабарлады Павлодар облысы ПД баспасөз қызметі.
Бақытжан Отарбаева