30 қазанда түнде Арқарлы асуының маңындағы тас жолда жүк көлігінің тіркемесі отқа оранды, деп хабарлайды Zakon.kz.
Сағат 22:17-де Алматы облысының Төтенше жағдайлар департаментіне Алматы – Өскемен тас жолының 135-ші шақырымында жүк көлігінің тіркемесі өртеніп жатқаны туралы хабарлама келіп түсті. Алматы облысы Төтенше жағдайлар департаментінің жеке құрамы өртті сағат 23:07-де оқшаулап, 23.30-да толықтай сөндірді. Зардап шеккендер мен құрбандар жоқ, – делінген хабарламада.
Өрттің шығу себебі тасымалданушы жүктің (аккумулятор батареясы) өздігінен тұтануы болуы мүмкін.
