«Мой город» басылымының хабарлауынша, қылмыстық істер жөніндегі мамандандырылған ауданаралық сот 35 жастағы жеті баланың анасын өлтірді деп айыпталған 25 жастағы жігітке үкім шығарды.
Іс материалдарына сәйкес, 2021 жылдың наурыз айында жәбірленушінің өтініші бойынша сотталушы бірнеше рет өз атынан банктен несие алған, оны жәбірленушінің өзі төлеуі тиіс болған.
Бірақ әйел уақыт өте келе несиені төлеуден бас тартқан.
25 қарашада сотталушы жәбірленушімен кездесіп, оның әрекетіне ашуланып, оған бірнеше рет пышақ сұғып, оқиға орнынан бой тасалаған. Әйел алған жарақаттарынан оқиға орнында көз жұмды. Сотталушы өз кінәсін толық мойындады, істеген ісіне өкінді, – делінген үкімде.
Айта кетейік, марқұмның артында жеті баласы қалды, ең кішісі небәрі бес жаста.
Сот үкімімен ер адам кісі өлтіргені үшін кінәлі деп есептеліп, 10 жылға бас бостандығынан айырылды.