Екі мыңнан астам қару табылмады. Азаматтарға тағы да айтамын: Ішкі істер министрлігі қаруды өз еркімен тапсырған тұлғалардың әкімшілік және қылмыстық жауапкершілікке тартылмайтынына заң негізінде кепілдік береді.ҚР Ішкі істер министрі Марат Ахметжанов
Марат Ахметжанов министрлік жедел штабтың 10 мың қызметкері жұмылдырылған «Қару» арнайы операциясын өткізіп жатқанын еске салды.
Жұмыс жемісін беріп жатыр. Қаруын өз еркімен тапсырғандарды айтпағанда, тұрғындар ақпарат беріп жатыр. Сол ақпарат арқылы ұрланған қаруды тауып жатырмыз. Марат Ахметжанов
Ішкі істер министрінің айтуынша, Алматы облысында қару сатқысы келген қылмыскерлерді ауыл тұрғындарының өздері ұстап, полицияға тапсырған.
Тағы да қайталаймыз: қолда бар барлық ақпаратты бізге айтыңыз. Анонимділікке кепілдік беріледі.Марат Ахметжанов
