Зачаганск ауылында Toyota Crown жүргізушісі билборд бағанына барып соғылған. 1993 жылғы жүргізуші мыжылған көлік ішінде қысылып қалды, оны ТЖД қызметкерлері шығарып алды, деп хабарлайды "Мой город".
Полицейлер жол апаты 22 мамыр күні сағат 05:00-де Жәңгір хан көшесінде орын алғанын хабарлады.
Көлікте жүргізушіден басқа 2002 жылғы да қыз болған. Зардап шеккендер ауруханаға жеткізілді. Қыз есін жимастан ауруханада қайтыс болды. Аталған фактіге сәйкес, "Адам өліміне әкеліп соққан жол қозғалысы ережелерін бұзу" бабы бойынша сотқа дейінгі тергеу басталды
Облыстың денсаулық сақтау басқармасы 2002 жылғы қыздың ауруханаға жеткізілгенде өте ауыр халде болғанын айтты. Кейін ол алған жарақаттарынан қайтыс болды: жабық бас сүйек-ми жарақаты, мидың контузиясы, аяқтың сынуы.
Жүргізуші ауруханаға жабық бас сүйек-ми жарақаты, бас миының шайқалуы, бұғанасы мен жамбас сүйектерінің жабық сынықтары диагнозымен түсті. Қазір ер адамның жағдайы өте ауыр деп бағалануда, ол жан сақтау бөлімінде жатыр.
