Ведомство таратқан мәлімет бойынша, 4 маусымда «Айша-бибі» автомобиль өткізу пункті арқылы Қазақстан-Қырғызстан шекарасын кесіп өткен кезде АИ-92 маркалы бензинді еріткіш түрінде тасымалдаған жүк автокөлік құралы ұсталды.
Алдын ала деректер бойынша, тасымалданатын бензиннің жалпы құны шамамен 6 млн теңге.
Бұл ретте, тасымалданатын жүкті жасыру мақсатында жөнелтуші 2,1 млн. теңге сомасына еріткішті тасымалдауға арналған тауарға ілеспе құжаттарды ресімдеді. Қазақстан Республикасы Қаржы министрлігі Мемлекеттік кірістер комитетінің орталық кеден зертханасы жүргізген физика-химиялық зерттеулердің нәтижелері бойынша еріткіш түріндегі АИ-92 маркалы бензинді тасымалдау фактісі расталды.ҚР ҚМ Мемлекеттік кірістер комитеті
Осы факті бойынша Қазақстан Республикасының заңнамасында көзделген тиісті шаралар қабылданады.