Комитет өкілдерінің мәлімдеуінше, 26 маусымда жергілікті уақытпен сағат 13:40-та елорданың «Нұрсұлтан Назарбаев» халықаралық әуежайына Volga Dnepr Airlines әуе компаниясының Үрімші (ҚХР) – Нұр-Сұлтан – Мәскеу бағытындағы коммерциялық рейісін іске асырып жатқан RA-82074 нөмірлі әуе кемесі тоқтады.
Бұл туралы әуежайдың қызметі «Әуежай Астана» кеден бекетінің қызметкерлеріне хабарлады.
Дегенмен әуе кемесінің экипажы мен оның өкілі белгіленген уақыт ішінде кедендік рәсімдеуге қажетті кедендік құжаттар мен мәліметтерді ұсынбаған. Сондықтан әуе компаниясына қатысты «Әкімшілік құқық бұзушылық туралы» кодекстің 538-бабымен әкімшіліктік өндіріс қозғалды.ҚР ҚМ Мемлекеттік кірістер комитетенің баспасөз қызметі
Бұл бап бойынша үшін жиырма айлық есептік көрсеткіш көлемінде айыппұл салынуы мүмкін.
Қазақстан Республикасының кедендік заңнамасына сәйкес, тасымалдаушы немесе өзге де белгіленген тұлғалар келуі туралы хабардар еткен кезден бастап кеден органының жұмыс уақытының үш сағаты ішінде көлік құралына кедендік декларацияны тапсыруға міндетті.
Әуе компаниясының өкілдері бұзушылықпен келісіп, кінәлілерді әкімшілік жауапкершілікке тарту бойынша жұмыс жүргізіліп жатыр. Кінәлілер әкімшілік жауапкершілікке тартылып, көлік құралына кедендік декларацияны тапсыруға қатысты барлық кедендік операциялар орындалған соң әуе кемесі бірден жіберіледі.ҚР ҚМ Мемлекеттік кірістер комитетенің баспасөз қызметі
Мемлекеттік кірістер комитетінде аталған заң бұзушылық кедендік әкімшілендіру саласындағы кәдімгі әкімшілік құқық бұзушылық екенін ескертіп, саяси астарының жоқ екенін хабарлады.
