Қазығұрт аудандық полиция бөліміне жергілікті тұрғын арызданды. Ер адамның айтуынша, ол танысына 8 бас жылқысын сеніп тапсырған. Алайда бақташы малды талан-таражға салған. Жәбірленушіге келген шығын көлемі 2 500 000 теңге болды.Түркістан облысы ПД баспасөз қызметі
Ведомствоның хабарлауынша, бұл жайтты полиция қызметкерлері ҚР ҚК-нің 189-бабы «Сеніп тапсырылған бөтен мүлікті иемденіп алу немесе талан-таражға салу» бойынша тіркеуге алды.
Күдікті жас жігіт анықталды. Ол жәбірленушінің жылқышысы болған. Жылқышы сеніп тапсырылған бөтеннің мүлкін сатып, ақшасын бас пайдасының қажеттілігі үшін жаратып жіберген. Қазіргі таңда күдікті қамауда, оған қатысты сотқа дейінгі тергеу амалдары жүріп жатыр.Түркістан облысы ПД баспасөз қызметі