Неміс БАҚ-тарының хабарлауынша, алғашқы жарылыс бейсенбі күні түнде ескі оқ-дәрілер сақталатын қоймада болған.
Өрт жақын маңдағы орманға тарап, шамамен 15 мың шаршы метрді аумақты қамтыды. Күндіз қоймада тағы жарылыстар орын алып, өрт сөндірушілер тобын от шыққан нақты нысанға жақындатпады.
Полиция мен өрт сөндіру қызметі өртке жақын бір шақырым радиустағы барлық жолдарды жапты.
Оқиға орнында 100-ден астам өрт сөндіру және полиция қызметкерлері жұмыс істеп жатыр, сондай-ақ объектіге суатқышпен полиция да жұмылдырылды. Германия Қарулы Күштерінің басқа қызметтері мен арнайы күштерінен қосымша көмек сұралды.
Жаралылар мен қаза тапқандар туралы әзірге ақпарат жоқ. Төтенше жағдайлар қызметінің мәліметінше, тұрғын үйлерге қауіп төніп тұрған жоқ, ауыл оқиға орнынан кемінде екі шақырым қашықтықта орналасқан.
Батыс бағыттағы аймақтық пойыздардың қозғалысы да тоқтатылды. Автобанның учаскесі екі бағытта да жабылды.
Оқ-дәрі қоймасының жарылу себебі әлі айтылмады.
