Министрлік таратқан мәлімдемеде жерасты цехы шикізатты, құрамында бағалы металдар бар тастарды өңдеумен айналысады.
Сонымен қатар жеке тұрғын үйдің қосалқы құрылысынан электрлі ұсатқыш диірмен, ұсақталған руда қалдықтары, елеуіш, магнит, тау жыныстарын тасымалдайтын арбалар, күректер, сынап қосылған сұйықтық, екі үлкен қазандық және 10 тоннаға жуық алтын кені табылды.
Қоймада екі ер адам дүкен иесі болып табылатын жергілікті тұрғынға жұмыс істеген.
Тәртіп сақшыларының түсіндіруінше, ҚР Қылмыстық кодексінің 295-бабы, 1-бөлігі "Бағалы металдар мен асыл тастардың, құрамында бағалы металдар бар шикізаттың заңсыз айналымы" бойынша сотқа дейінгі тергеу басталды.
Мемлекетке келтірілген шығын әлі анықталып жатыр. Бірқатар қажет сараптамалар тағайындалды, - деп қорытындылады полиция.
14 қарашада Абай облысы Жарма ауданындағы Еділбай учаскесінде құрамында алтыны бар кен заңсыз өндірілгені хабарланған еді. Қылмыстық топ мүшелерінің арасында шетелдіктер де бар.
