Алдын ала мәліметтер бойынша, жарылысқа себеп - газ баллоны құрылғысынан газдың ауаға бөлінуі. Ол ТЖО ғимаратында тұрған жеңіл көлікке орнатылған. Жарылыстан соң ғимарат отқа оранып, бүлінген.
Өрттің ауданы - 100 шаршы метр.
"Оқиға орнында тоғыз адам зардап шекті. Олардың кім екені және алған жарақаттарының ауырлық дәрежесі анықталып жатыр. Өртті жоюға жеке құрамнан 43 адам мен 10 техника жұмылдырылды", деп хабарлады ТЖД баспасөз қызметі.
Құрбан болғандар жоқ. Материалдық залалдың көлемі мен оқыс жайттың себебі алда анықталатын болады.