Нью-Йорк полиция департаменті күдіктіні тексеріп жатыр, деп жазды New York Post.
Дереккөздердің мәліметінше, қала мэрі Пол деп атаған жас полицей басынан соққы алған соң, екінші полицей күдіктіні иығынан атқан. Полдың басынан жарақат алып, бас сүйегі сынған.
Сегіз жылдық тәжірбиесі бар екінші полицейдің де басы жарылған.
19 жастағы жас жігіт ұсталып, ауруханаға жеткізілді. Құқық қорғау органдарының жоғары лауазымды шенеуніктерінің айтуынша, полиция оның жақында радикалданған ислам экстремисі емес пе екенін тексеріп жатыр. Мұндай күдік оның хабарламаларын оқыған соң туған.
Екі жаралы офицер де күдікті жатқан Бельвю ауруханасына жеткізілді.
