Бүгінгі сот отырысына Ресей азаматы Тимур Бекмамбетов келді.
"Ол осы іс бойынша куәгер ретінде қатысуға және Боранбаев Қайрат Советайұлының жеке басын сипаттайтын мән-жайлар бойынша куәлік етуге дайын", – деді адвокат Данияр Қанафин.
Осыған орай адвокат режиссерден заңнамада белгіленген тәртіппен жауап алуға мүмкіндік беруді сұрады.
23 қаңтар күні сот Боранбаевтың ісі бойынша куәгерлердің айғағын БАҚ-қа жариялауға тыйым салғаны белгілі болды.
30 желтоқсанда Астана қаласы Сарыарқа ауданының №2 сотында Боранбаев, Наханов және Жанұзақтың ісі бойынша сот отырысы басталды. Сотталушыларға ақша жымқырды және ақшаны жылыстатты деген айып тағылып отыр.