14 маусымнан Денсаулық сақтау министрлігі Санитариялық-эпидемиологиялық бақылау комитеті орталық аппараты, Медициналық және фармацевтикалық бақылау комитеті және олардың аумақтық бөлімшелерінің мамандары, сонымен қатар бейінді мамандардан тұратын комиссия осы оқиғаны тексеруді бастады.
"Тексеру барысында барлық пациент 2023 жылдың сәуір айында ОКҚА-ның бірнеше бөлімшелерінде медициналық көмек алғаны анықталды. Қазір пациенттердің маршрутын ескере отырып, байланыс шеңбері белгіленіп жатыр. Бүгінде 593 байланыста болған адамнан АИТВ-ға тексеру үшін материал алынды. Оның 419-ы теріс, қалған 174-і жұмыста". Денсаулық сақтау министрлігі
Денсаулық сақтау министрлігі істі тексеру барысын ерекше бақылауда ұстайтынын және бұл туралы жұртшылықты үнемі хабардар етіп отыратынын айтты.
