ҚР ҚМА жариялаған ақпарат бойынша, ЖШС директоры Алматы қаласының индустриалды аймағына қатысушы 10-нан астам шаруашылық жүргізуші субъектілерімен электр энергиясын жеткізу шартын жасасып, электр энергиясын тұтынушыларды, сондай-ақ өндіруші және жеткізуші ұйымдарды алаяқтық жолмен электр энергиясын тұтынғаны үшін төлем шоттарын жазып, екі жыл бойы кәсіпкерлер электр энергиясы үшін негізсіз ақы төлеп келгені анықталды.
"Осылайша ол жалпы сомасы 620 млн теңгеден астам шығын келтірген. Одан әрі жедел-іздестіру шаралары барысында жоғарыда аталған ЖШС директорының мәмілелер арқылы қылмыстық жолмен алынған ақшалай қаражаттарды заңды айналымға түсіргені анықталды".ҚР ҚМА баспасөз қызметі
Агенттік сот қаулысымен жалпы сомасы 134 млн теңгеден астам жер телімі мен құрал-жабдықтар қамауға алынғанын мәлімдеді.
"Сот үкімімен ЖШС директоры кінәлі деп танылып, мүлкі тәркіленіп, 6,5 жылға бас бостандығынан айырылды", – делінген хабарламада.
Антикор 5 шілде күні аса ірі мөлшерде жымқыру күдігімен халықаралық іздеу жариялаған "ӨКМ операторы" ЖШС-нің бұрынғы құрылтайшысы Шынар Мұқтарова Біріккен Араб Әмірлігінде ұсталғанын хабарлады
