Өрт сағат 15:24-те Төле би көшесіндегі екі қабатты тұрмыстық техника дүкенінен шыққан.
"Ғимараттың жалпы ауданы - 950 шаршы метр. Шатыры (шифер шатыры) мен оған қоса салынған қойма толығымен жанып кетті. Өрт аумағы 650 шаршы метр болды. Өрт сағат 16:45-те оқшауланды."Шымкент қаласы Төтенше жағдайлар департаментінің баспасөз қызметі
Өрттің таралуына жол бермеу үшін су құю жұмысы жүргізіліп жатыр. Оқиға орнына қалалық ТЖД 62 қызметкері мен 17 техникасы, Апаттар медицинасы орталығы филиалының бригадасы жұмылған.
Өрт 17:38-де сөндірілді. Төтенше жағдайлар департаментінің мәліметінше, өрттің шығу себебі мен келтірілген материалдық шығын көлемі анықталып жатыр.
"Өрт орнынан бес газ және бір оттегі баллоны қауіпсіз жерге шығарылды", - делінген хабарламада.
2023 жылдың 15 шілдесінде кешкі уақытта Қосшы қаласының полиция бөліміне "Нұрай" тұрғын үй кешенінің пәтерлерінің бірінде өрт шыққаны туралы хабарлама келіп түскен. Сағат 22:14-те өрт тұрғын үйдің 4-қабатын шарпыған және көрші үй-жайларға тарала жаздаған. Куәгерлердің айтуынша, өртенген пәтерде адамдар қалған. Олардың үшеуі - кәмелетке толмаған балалар. Тұрғындар баспалдақпен төмен түсе алмады, себебі ол толығымен жалынға оранған еді. Бақытымызға орай, қайғылы жағдайдың алдын алып, оқиға салдарынан ешкім зардап шеккен жоқ.
