Қарағанды облысының полиция департаменті баспасөз қызметінің 19 қазанда хабарлауынша, жантүршігерлік оқиға шамамен сағат 2:00-де Ақжал ауылынан 10 шақырым жерде болған. 24 жастағы жүргізуші Chevrolet Cobalt көлігін Қарағандыдан Балқашқа айдап бара жатқан.
Алдын ала мәлімет бойынша, жас жігіт рөлде ұйықтап кеткен. Көлік қарсы жолаққа шығып кетіп, 47 жастағы жүргізуші басқарған Mercedes-Benz Actros жүк көлігімен соқтығысқан. Оқиға салдарынан Chevrolet Cobalt жүргізушісі мен оның екі жолаушысы қаза тапты.
Қазір ҚР ҚК 345 бабының 4-бөлігі бойынша сотқа дейінгі тергеу амалдары жүргізіліп жатыр, сараптамалар тағайындалды. Полицейлер қайғылы оқиғаның мән-жайын анықтап жатыр.
