Ведомстводағылар электр қуаты толығымен қалпына келтірілді деп сендірді. Әкімдіктің мәліметінше, 30 қазанда елорданың барлық 10 қосалқы стансасы штат режимінде жұмыс істеген. Жұмыс токтары қалпына келтірілді.
Қазір қалада "Астана-АЭК" АҚ-ның мына бригадалары жұмыс істейді:
- 0,4/10 кВ кернеулі электр желілерімен жұмыс істеу үшін жедел персоналдың 5 бригадасы;
- 110 кВ кернеудегі электр желілерімен жұмыс істеу үшін жедел персоналдың 4 бригадасы;
- қосалқы станцияларға қызмет көрсетуге жауапты 4 бригада;
- Релелік қорғаныс бойынша мамандандырылған 5 команда.
Бұл бригадалар электр сызбаларына сәйкес тарату және трансформаторлық пункттерді электрмен жабдықтауды қалпына келтіреді.
Бұған дейін Энергетика министрлігінің баспасөз қызметі елордадағы барлық қосалқы станциялардың толыққанды жұмыс істеп тұрғанын хабарлаған еді.
Астананың оң жағалауында су мен жарық жаппай сөніп қалды. Кейін Энергетика министрлігінің баспасөз қызметі 29 қазан күні сағат 21:58-де 110 кВ әуе желісінің қалалық сақинасында апатты өшіру болғанын хабарлады. Астана ЖЭО-2-де қысқа тұйықталу салдарынан генерация толық азайды. Сонымен қатар "Астана су арнасы" елордадағы суды өшіру себебін түсіндірді.
